‘ನನ್ನ ಮಗನಿಗೆ ಅಷ್ಟು ವಯಸ್ಸಾಗಿಲ್ಲ’- ವೈರಲ್ ಫೋಟೋಗೆ ಧೋನಿ ತಾಯಿ ಪ್ರತಿಕ್ರಿಯೆ

ಮುಂಬೈ: ಟೀಂ ಇಂಡಿಯಾ ಮಾಜಿ ನಾಯಕ ಎಂಎಸ್ ಧೋನಿ ಕಳೆದ 10 ತಿಂಗಳಿನಿಂದ ಕ್ರಿಕೆಟ್‍ನಿಂದ ದೂರ ಉಳಿದಿದ್ದಾರೆ. 2019ರ ಏಕದಿನ ವಿಶ್ವಕಪ್ ಟೂರ್ನಿಯಲ್ಲಿ ಅಂತಿಮ ಬಾರಿಗೆ ಆಡಿದ್ದ ಧೋನಿ ಮತ್ತೆ 2020ರ ಐಪಿಎಲ್ ಟೂರ್ನಿಯ ತರಬೇತಿ ವೇಳೆ ಮತ್ತೆ ಅಭಿಮಾನಿಗಳಿಗೆ ಕ್ರಿಕೆಟ್ ಬ್ಯಾಟ್‍ನೊಂದಿಗೆ ಕಾಣಿಸಿಕೊಂಡಿದ್ದರು. ಆದರೆ ಕೊರೊನಾ ಕಾರಣದಿಂದ ಐಪಿಎಲ್ ಮುಂದೂಡುವುದರಿಂದ ಧೋನಿ ಕುಟುಂಬದೊಂದಿಗೆ ಕಾಲ ಕಳೆಯುತ್ತಿದ್ದಾರೆ.

ಧೋನಿ ಇತ್ತೀಚೆಗೆ ಪುತ್ರಿಯೊಂದಿಗೆ ಸೇರಿ ಮನೆಯ ಗಾರ್ಡನ್ ಪ್ರದೇಶದಲ್ಲಿ ಆಟವಾಡುತ್ತಿದ್ದ ವಿಡಿಯೋವನ್ನು ಸಾಕ್ಷಿ ಧೋನಿ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ್ದರು. ಈ ವಿಡಿಯೋ ಸಾಕಷ್ಟು ವೈರಲ್ ಕೂಡ ಆಗಿತ್ತು. 38 ವರ್ಷದ ಧೋನಿ ಹೊಸ ಲುಕ್‍ನಲ್ಲಿ ವಿಡಿಯೋದಲ್ಲಿ ಕಾಣಿಸಿಕೊಂಡಿದ್ದರು. ಆದರೆ ವಿಡಿಯೋದಲ್ಲಿ ಧೋನಿ ಲುಕ್ ಸಾಕಷ್ಟು ಚರ್ಚೆಗೆ ಕಾರಣವಾಗಿತ್ತು.

Video of the day is Here ???? #MSDhoni pic.twitter.com/JQmXv2LPnW

— Keep calm & Believe in Dhoni (@Dhonibelievers) May 11, 2020

ಸಾಮಾಜಿಕ ಜಾಲತಾಣದಲ್ಲಿ ಧೋನಿರ ವಯಸ್ಸಿನ ಕುರಿತು ಹಲವು ಟ್ರೋಲ್‍ಗಳು ಹರಿದಾಡಿತ್ತು. ಪರಿಣಾಮ ಧೋನಿರ ತಾಯಿ ದೇವಕಿ ದೇವಿ ಪ್ರತಿಕ್ರಿಯೆ ನೀಡಿದ್ದು, ನಾನು ಧೋನಿ ಲುಕ್ ನೋಡಿದ್ದೇನೆ. ವಿಡಿಯೋದಲ್ಲಿ ಧೋನಿಗೆ ಅಷ್ಟು ವಯಸ್ಸಾಗಿದೆ ಎಂದು ಎನಿಸುವುದಿಲ್ಲ. ಯಾವುದೇ ತಾಯಿಗೂ ಕೂಡ ತಮ್ಮ ಮಗನಿಗೆ ವಯಸ್ಸಾಗಿಲ್ಲ ಎನ್ನಿಸಬಹುದೆನೋ? ಈ ವರ್ಷ ನಡೆಯಲಿರುವ ಟಿ20 ವಿಶ್ವಕಪ್ ಟೂರ್ನಿಯಲ್ಲಿ ಧೋನಿ ಆಡುವ ಬಗ್ಗೆ ನನಗೆ ಮಾಹಿತಿ ಇಲ್ಲ. ಆದರೆ ಸದ್ಯ ಕೊರೊನಾ ವೈರಸ್ ಅಂತ್ಯವಾಗಬೇಕಿದೆ. ನಿವೃತ್ತಿಯ ಕುರಿತು ಧೋನಿ ಒಳ್ಳೆಯ ಸಮಯದಲ್ಲಿ ನಿರ್ಧಾರ ಕೈಗೊಳ್ಳುತ್ತಾರೆ ಎಂದು ಅಭಿಪ್ರಾಯ ಪಟ್ಟಿದ್ದಾರೆ.

Ziva’s training session with Daddy Cool – the best thing you’ll see on Internet today!???????? #Ziva #Dhoni #MSDhoni @msdhoni pic.twitter.com/E4OnRXNc8o

— MS Dhoni Fans Official (@msdfansofficial) May 5, 2020

Thala Dhoni in #yellove, dot. #WhistlePodu ???????? VC: @SaakshiSRawat pic.twitter.com/z4FrGumlxC

— Chennai Super Kings (@ChennaiIPL) May 11, 2020