ತನ್ನೊಂದಿಗೆ ಪ್ರಿಯತಮೆ ಬ್ರೇಕಪ್ ಮಾಡ್ಕೊಂಡಿದ್ದಕ್ಕೆ ಯುವಕನಿಂದ ನೀಚ ಕೃತ್ಯ

– ಪೊಲೀಸರ ಮೊರೆ ಹೋದ ಯುವತಿ
– ಸೆಕ್ಸ್ ವರ್ಕರ್ ಹೆಸರಲ್ಲಿ ಫೋಟೋ ಅಪ್ಲೋಡ್

ಜೈಪುರ: ಬ್ರೇಕಪ್ ಮಾಡಿಕೊಂಡ ಗೆಳತಿಯ ಮೇಲೆ ಸೇಡಿಗಾಗಿ ಯುವತಿಯ ಫೋಟೋವನ್ನ ಎಡಿಟ್ ಮಾಡಿ ಸೆಕ್ಸ್ ವರ್ಕರ್ ಅಂತ ಸೋಶಿಯಲ್ ಮೀಡಿಯಾದಲ್ಲಿ ಅಪ್ಲೋಡ್ ಮಾಡಿದ್ದಾನೆ. ಫೋಟೋ ಜೊತೆಗೆ ಗೆಳತಿಯ ಮೊಬೈಲ್ ನಂಬರ್ ಸಹ ಹಾಕಿದ್ದಾನೆ. ಅಪರಿಚಿತರ ಕರೆಗಳು ಬಂದಾಗ ಯುವತಿಗೆ ತನ್ನ ಫೋಟೋ ದುರ್ಬಳಕೆಯ ಬಗ್ಗೆ ತಿಳಿದು ಬಂದಿದೆ.

ಯುವತಿ ಜೈಪುರ ನಗರದ ಮಾನಸರೋವರ ಪೊಲೀಸ್ ಠಾಣಾ ವ್ಯಾಪ್ತಿಯ ನಿವಾಸಿ. ಸದ್ಯ ಯುವತಿ ಯುವಕನ ವಿರುದ್ಧ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಪೊಲೀಸರು ಯುವಕನ ಬಂಧನಕ್ಕಾಗಿ ಬಲೆ ಬೀಸಿದ್ದಾರೆ.

25 ವರ್ಷದ ಯುವತಿ ಆರು ವರ್ಷಗಳಿಂದ ಲಕ್ಷ್ ಎಂಬ ಯುವಕನನ್ನು ಪ್ರೀತಿಸುತ್ತಿದ್ದಳು. ಇಬ್ಬರ ಮಧ್ಯೆ ಭಿನ್ನಾಬಿಪ್ರಾಯ ಉಂಟಾದ ಹಿನ್ನೆಲೆ ಒಂದು ವರ್ಷದ ಹಿಂದೆ ಯುವತಿ ಬ್ರೇಕಪ್ ಮಾಡಿಕೊಂಡಿದ್ದಳು. ಇದರಿಂದ ಕೋಪಗೊಂಡ ಲಕ್ಷ್ ಯುವತಿಯ ಫೋಟೋವನ್ನು ಎಡಿಟ್ ಮಾಡಿದ್ದಾನೆ. ನಂತರ ಮೊಬೈಲ್ ನಂಬರ್ ಜೊತೆ ಫೋಟೋವನ್ನ ಸೆಕ್ಸ್ ವರ್ಕರ್ ಹೆಸರಲ್ಲಿ ಅಪ್ಲೋಡ್ ಮಾಡಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಫೋಟೋ, ಮೊಬೈಲ್ ನಂಬರ್ ಜೊತೆ ಮನೆಯ ವಿಳಾಸವನ್ನು ಸಹ ಹಾಕಿದ್ದಾನೆ. ಕಳೆದ 6 ತಿಂಗಳಿನಿಂದ ಯುವತಿಗೆ ಅಪರಿಚಿತರು ಕರೆ ಮಾಡಿ ಅಸಭ್ಯವಾಗಿ ಮಾತನಾಡುತ್ತಿದ್ದಾರೆ. ಮನೆಯಿಂದ ಹೊರ ಬರಲಾದ ಸ್ಥಿತಿ ಯುವತಿಗೆ ಬಂದಿದೆ.