ತನ್ನದೇ ಮನೆಯಲ್ಲಿಯೇ ಚಿನ್ನಾಭರಣ, ನಗದು ಕದ್ದಳು

-4.7 ಲಕ್ಷ ನಗದು, ಚಿನ್ನಾಭರಣ ಕಳ್ಳತನ

ಮುಂಬೈ: ಮಹಿಳೆ ತನ್ನ ಮನೆಯಲ್ಲಿಯೇ ನಗದು ಮತ್ತು ಚಿನ್ನಾಭರಣ ಕದ್ದು ಪೊಲೀಸರ ಕೈಗೆ ತಗ್ಲಾಕೊಂಡಿರುವ ಘಟನೆ ನವಿ ಮುಂಬೈನಲ್ಲಿ ನಡೆದಿದೆ. ಪೊಲೀಸರು ದೂರು ದಾಖಲಿಸಿದ ವ್ಯಕ್ತಿಯ ಪತ್ನಿಯನ್ನೇ ಬಂಧಿಸಿ ಪ್ರಕರಣವನ್ನು ಬೇಧಿಸಿದ್ದಾರೆ

ಮಹಿಳೆಯ ಪತಿ ಮಹೇಂದ್ರ ವೆಟಾ (48) ನಾವು ಮನೆಯಲ್ಲಿ ಇಲ್ಲದ ಜೂನ್ 15 ರಿಂದ ಜೂನ್ 17ರ ನಡುವೆ ಕಳ್ಳತನ ನಡೆದಿದೆ. ಚಿನ್ನಾಭರಣ ಸೇರಿದಂತೆ 4.7 ಲಕ್ಷ ನಗದು ಕಳ್ಳತನವಾಗಿದೆ ಎಂದು ದೂರು ಸಲ್ಲಿಸಿದ್ದರು.

ದೂರು ದಾಖಲಾದ ಬಳಿಕ ಪ್ರಕರಣ ಕೈಗೆತ್ತಿಕೊಂಡಾಗ ಯಾವುದೇ ಸುಳಿವು ಲಭ್ಯವಾಗಿಲ್ಲ. ಕೊನೆಗೆ ಸಿಸಿಟಿವಿ ದೃಶ್ಯಾವಳಿಗಳಿಂದಳೂ ನಮಗೆ ಮಾಹಿತಿ ಸಿಗಲಿಲ್ಲ. ಕೊನೆಗೆ ಮಹೇಂದ್ರ ಅವರ ಪತ್ನಿಯನ್ನು ವಿಚಾರಣೆಗೆ ಒಳಪಡಿಸಿದಾಗ ರಹಸ್ಯ ಬಯಲಿಗೆ ಬಂತು ಎಂದು ಪೊಲೀಸ್ ಅಧಿಕಾರಿ ಹೇಳಿದ್ದಾರೆ.

ಪ್ರಕರಣದ ಮಾಹಿತಿ ನೀಡಿದ ಠಾಣೆಯ ಹಿರಿಯ ಅಧಿಕಾರಿ ಸೂರ್ಯಕಾಂತ್ ಜಗದಲೆ, ಮಹಿಳೆ ಕಳ್ಳತನ ಮಾಡಿದ್ದನ್ನು ಒಪ್ಪಿಕೊಂಡಿದ್ದು, ಕದ್ದ ಚಿನ್ನಾಭರಣವನ್ನ ಮಾರಿದ್ದಾಳೆ. ಚಿನ್ನಾಭರಣದಿಂದ ಬಂದ ಹಣದಿಂದ ಸಾಲವನ್ನು ತೀರಿಸಿದ್ದಾಳೆ ಎಂದು ತಿಳಿಸಿದ್ದಾರೆ.