ಸೋಶಿಯಲ್ ಮೀಡಿಯಾ ಪ್ಲಾಟ್‍ಫಾರಂನಲ್ಲಿ ಕಳೆದ ಒಂದೆರಡು ದಿನಗಳಿಂದ ವಿಡಿಯೋ ವೈರಲ್ ಆಗಿದೆ. ಟಿಕ್‍ಟಾಕ್ ಮಾಡುತ್ತಿದ್ದ ಯುವಕನೋರ್ವ ಆಯತಪ್ಪಿ ಮೆಟ್ಟಿಲಿನಿಂದ ಬಿದ್ದಿರುವ ವಿಡಿಯೋ ವೈರಲ್ ಆಗಿದ್ದು, 80 ಲಕ್ಷಕ್ಕೂ ಹೆಚ್ಚು ಬಾರಿ ವೀಕ್ಷಣೆ ಆಗಿದೆ.
24 ವರ್ಷದ ಕೋರೆ ಎಂಬ ಯುವಕನ ಟಿಕ್‍ಟಾಕ್ ಖಾತೆಯಿಂದ ಈ ವೀಡಿಯೋ ಅಪ್ಲೋಡ್ ಮಾಡಲಾಗಿದೆ. ಕೆಲವರು ಫನ್ನಿ ಕಮೆಂಟ್ ಮೂಲಕ ಯುವಕನನ್ನ ಟ್ರೋಲ್ ಮಾಡುತ್ತಿದ್ದರೆ, ಬಹುತೇಕರು ಯುವಕ ಬಿದ್ದಿರುವದಕ್ಕೆ ಬೇಸರ ವ್ಯಕ್ತಪಡಿಸಿದ್ದಾರೆ.
ವಿಡಿಯೋದಲ್ಲಿ ಏನಿದೆ?: ಕೋರೆ ಮನೆಯ ಬಾಗಿಲು ಹಾಕಿ ಟಿಕ್‍ಟಾಕ್ ಮಾಡಲು ಶುರು ಮಾಡಿದ್ದಾನೆ. ತನ್ನ ಮುಂದಿನ ಟೇಬಲ್ ಮೇಲೆ ಮೊಬೈಲ್ ಇಟ್ಟು, ಕೈಯಲ್ಲಿ ಭಾರವಾದ ಬ್ಲಾಂಕೇಟ್ ಹಿಡಿದು ಟಿಕ್‍ಟಾಕ್ ಮಾಡುವಷ್ಟರಲ್ಲಿ ಬಾಗಿಲು ತೆಗೆದು ಕೋರೆಯ ಅಂಕಲ್ ಒಳಗೆ ಬಂದಿದ್ದಾರೆ. ಒಳಗೆ ಬಂದ ವ್ಯಕ್ತಿ ಬಾಗಿಲು ಹಾಕದೇ ಹೋಗಿರೋದನ್ನ ಕೋರೆ ಗಮನಿಸಿರಲಿಲ್ಲ. ಬಾಗಿಲು ಮುಚ್ಚಿದೆ ಅಂತ ತಿಳಿದಿದ್ದ ಕೋರೆ ಹಿಂದೆ ಹೋಗುತ್ತಾ ಮೆಟ್ಟಿಲಿನಿಂದ ಆಯತಪ್ಪಿ ಬಿದ್ದಿದ್ದಾನೆ.
ಕೋರೆ ಬೀಳುತ್ತಿದ್ದಂತೆ ಒಳಗಿನಿಂದ ಬಂದ ಅಂಕಲ್ ಬಾಗಿಲ ಬಳಿ ನೋಡಿದಾಗ, ಯುವಕ ಬ್ಲಾಂಕೇಟ್ ಹಿಡಿದು ಮೇಲೆ ಬರೋದನ್ನ ವೀಡಿಯೋದಲ್ಲಿ ನೋಡಬಹುದಾಗಿದೆ. ವೀಡಿಯೋ ನೋಡಿದ ನೆಟ್ಟಿಗರು ಟಿಕ್‍ಟಾಕ್ ಮಾಡುವ ಮುನ್ನ ಎಚ್ಚರಿಕೆ ವಹಿಸಬೇಕು ಎಂದು ಕೋರೆಗೆ ಸಲಹೆ ನೀಡಿದ್ದಾರೆ.
Leave a Reply