ಖಾರವಾದ ಮೊಟ್ಟೆ ಚಿಲ್ಲಿ ನೀವೂ ಮಾಡಿ

ಮೊಟ್ಟೆ ಎಂದರೆ ಸಾಮಾನ್ಯವಾಗಿ ಎಲ್ಲರಿಗೂ ಇಷ್ಟವಾಗುತ್ತದೆ. ಮೊಟ್ಟೆಯಿಂದ ನಾನಾಬಗೆಯ ಆಹಾರವನ್ನು ತಯಾರಿಸಬಹುದಾಗಿದೆ. ಚಿಕನ್ ಚಿಲ್ಲಿ, ಮಟನ್ ಚಿಲ್ಲಿಯನ್ನು ಎಲ್ಲರೂ ತಿಂದಿರುತ್ತಾರೆ.ಇಂದು ನೀವು ಕೊಂಚ ಡಿಫರೆಂಟ್ ಆಗಿ  ನಿಮ್ಮ ಮನೆಯಲ್ಲಿ ಖಾರವಾದ ಮೊಟ್ಟೆ ಚಿಲ್ಲಿಯನ್ನು ಮಾಡಲು ಪ್ರಯತ್ನಿಸಿ.

ಬೇಕಾಗುವ ಸಾಮಗ್ರಿಗಳು:
* ಮೊಟ್ಟೆಗಳು – 4
*ಕಾರ್ನ್‌ಫ್ಲೋರ್ (ಜೋಳದ ಹಿಟ್ಟು)-  ಅರ್ಧ ಕಪ್
*ಒಣ ಮೆಣಸಿನಕಾಯಿ – 2
* ಶುಂಠಿ
*ಬೆಳ್ಳುಳ್ಳಿ – 4-5
*ಈರುಳ್ಳಿ- 1
*ರೆಡ್ ಚಿಲ್ಲಿ ಸಾಸ್- 2 ಟೀ ಸ್ಪೂನ್
*ಸೋಯಾ ಸಾಸ್ – 1 ಟೀ ಸ್ಪೂನ್
*ನಿಂಬೆ ರಸ – 1 ಟೀ ಸ್ಪೂನ್
*ಜೇನು ತುಪ್ಪ- 1 ಟೀ ಸ್ಪೂನ್
* ರುಚಿಗೆ ತಕ್ಕಷ್ಟು ಉಪ್ಪು
* ಅಡುಗೆ ಎಣ್ಣೆ- 1ಕಪ್
* ಹಸಿ ಮೆಣಸಿನಕಾಯಿ- 4
* ಕ್ಯಾಪ್ಸಿಕಂ-1

ಮಾಡುವ ವಿಧಾನ:
* ನೀರು, ಕಾರ್ನ್‌ಫ್ಲೋರ್, ಉಪ್ಪು ಹಾಕಿ ಮಿಶ್ರಣವನ್ನು ಹಾಕಿ ಬಜ್ಜಿ ಹಿಟ್ಟಿನ ರೀತಿ ಮಾಡಿಕೊಳ್ಳಿ.
* ಈಗ ತಯಾರಿಸಿಟ್ಟಿರುವ ಹಿಟ್ಟಿನಲ್ಲಿ ಕತ್ತರಿಸಿಟ್ಟ ಮೊಟ್ಟೆಗಳನ್ನು ಅದ್ದಿ ಅಡುಗೆ ಎಣ್ಣೆಯಲ್ಲಿ ಹಾಕಿ ಚೆನ್ನಾಗಿ ಫ್ರೈ ಮಾಡಬೇಕು. ಮೊಟ್ಟೆಗಳು ಬಜ್ಜಿಯ ರೀತಿ ಹೊಂಬಣ್ಣಕ್ಕೆ ಬರುವರೆ ಬೇಯಿಸಬೇಕು.

* ಇನ್ನೊಂದು ಬಾಣಲೆಗೆ ಎಣ್ಣೆ ಹಾಕಿ ಕಾಯಿಸಿ, ಇದಕ್ಕೆ ಒಣ ಮೆಣಸಿನಕಾಯಿ,ಹಸಿ ಮೆಣಸಿನಕಾಯಿ, ಕ್ಯಾಪ್ಸಿಕಂ, ಬೆಳ್ಳುಳ್ಳಿ, ಶುಂಠಿಯನ್ನು ಹಾಕಿ ಚೆನ್ನಾಗಿ ಬೇಯಿಸಬೇಕು.

* ನಂತರ ಇದಕ್ಕೆ ಈರುಳ್ಳಿ, ರೆಡ್ ಚಿಲ್ಲಿಸಾಸ್, ಸೋಯಾ ಸಾಸ್, ಉಪ್ಪು, ಜೇನು ತುಪ್ಪ ಮತ್ತು ನಿಂಬೆರಸವನ್ನು ಹಾಕಿ. ಚೆನ್ನಾಗಿ ಮಿಶ್ರಣ ಮಾಡಿ, 3-4 ನಿಮಿಷಗಳ ಕಾಲ ಮಧ್ಯಮ ಗಾತ್ರದ ಉರಿಯಲ್ಲಿ ಬೇಯಿಸಬೇಕು.

* ನಂತರ ಈಗ ಇದಕ್ಕೆ ಈ ಮೊದಲೇ ಫ್ರೈಮಾಡಿದ ಮೊಟ್ಟೆ ತುಂಡು, ಕಾರ್ನ್‌ಫ್ಲೋರ್ ಹಾಕಿ, ಚೆನ್ನಾಗಿ ಮಿಶ್ರಣ ಮಾಡಿ. 2-3 ನಿಮಿಷಗಳ ಕಾಲ ಬೇಯಿಸಿದರೆ ಮೊಟ್ಟೆ ಚಿಲ್ಲಿ ಸವಿಯಲು ಸಿದ್ಧವಾಗುತ್ತದೆ.