ಕ್ಯಾಸಿನೋ ಅಡ್ಡೆ ಮೇಲೆ ಸಿಸಿಬಿ ದಾಳಿ- 13 ಕೋಟಿ ಸೀಜ್

– ಪೂರ್ವ ವಿಭಾಗ ಪೊಲೀಸರಿಂದ ಬೃಹತ್ ಕಾರ್ಯಾಚರಣೆ

ಬೆಂಗಳೂರು: ಸಿಲಿಕಾನ್ ಸಿಟಿಯಲ್ಲಿ ಡ್ರಗ್ ಮಾಫಿಯಾ ಬಳಿಕ ಮತ್ತೊಂದು ಬೃಹತ್ ಪ್ರಕರಣ ಬಳಿಕೆ ಬಂದಿದೆ. ಅಕ್ರಮ ಕ್ಯಾಸಿನೋ ಅಡ್ಡೆಗಳ ಮೇಲೆ ಸಿಸಿಬಿ ಅಧಿಕಾರಿಗಳು ದಾಳಿ ನಡೆಸಿದ್ದು, ಬರೋಬ್ಬರಿ 13 ಕೋಟಿ ರೂ.ಗಳನ್ನು ಸೀಜ್ ಮಾಡಲಾಗಿದೆ.

ಪೂರ್ವ ವಿಭಾಗದ ಡಿಸಿಪಿ ಶರಣಪ್ಪ ಅವರ ತಂಡ ಇಂದಿರಾನಗರದ ಕ್ಯಾಸಿನೋ ಮೇಲೆ ದಾಳಿ ನಡೆಸಿದ್ದು, ಡಿಸಿಪಿ ಸ್ಕ್ವಾಡ್‍ನಿಂದ ಬೃಹತ್ ಕಾರ್ಯಾಚರಣೆ ನಡೆದಿದೆ. ಕ್ಯಾಸಿನೋ ಅಡ್ಡೆಯಲ್ಲಿನ ಬರೋಬ್ಬರಿ 13 ಕೋಟಿ ರೂ.ಗಳನ್ನು ಪೊಲೀಸರು ಸೀಜ್ ಮಾಡಿದ್ದಾರೆ. ಒಟ್ಟು 60 ಟೇಬಲ್ ಫೋರ್ಕರ್ ನಲ್ಲಿ ಕ್ಯಾಸಿನೊ ನಡೆಯುತ್ತಿತ್ತು. ಒಟ್ಟು 90 ಗ್ರಾಹಕರು ಬಂದಿದ್ದರು. ಪೊಲೀಸರು ಬೃಹತ್ ಕಾರ್ಯಾಚರಣೆ ನಡೆಸಿ ಭಾರೀ ಪ್ರಮಾಣದ ಮೊತ್ತವನ್ನು ಸೀಜ್ ಮಾಡಿದ್ದಾರೆ.

ಈ ಕ್ಯಾಸಿನೋ ರೌಡಿ ಶೀಟರ್ ಮೆಂಟಲ್ ಸೀನ, ಚಲ್ಲಗಟ್ಟ ಚಂದ್ರ ಮತ್ತು ಮುರಳಿ ಒಡೆತನದ್ದಾಗಿದ್ದು, ಪೊಲೀಸರು ಇನ್ನೂ ಕಾರ್ಯಾಚರಣೆ ನಡೆಸುತ್ತಿದ್ದಾರೆ. ಇನ್ನೂ ಸರ್ಚಿಂಗ್ ಆಪರೇಶನ್ ನಡೆಯುತ್ತಿದ್ದು, ಹೆಚ್ಚಿನ ಮಾಹಿತಿಯನ್ನು ಅಧಿಕಾರಿಗಳು ಕಲೆ ಹಾಕುತ್ತಿದ್ದಾರೆ.