ಓವರ್ ಡೋಸ್ ನಿದ್ರೆ ಮಾತ್ರೆ ಸೇವಿಸಿ 7 ವರ್ಷದ ಮಗನೊಂದಿಗೆ ಪ್ರಾಣಬಿಟ್ಟ ವೈದ್ಯೆ

ಹೈದರಾಬಾದ್: ಓವರ್ ಡೋಸ್ ನಿದ್ರೆ ಮಾತ್ರೆಯನ್ನು ಸೇವಿಸಿದ ಪರಿಣಾಮ ಚರ್ಮರೋಗ ತಜ್ಞೆ ಡೊಂಥಮ್‍ಸೆಟ್ಟಿ ಲಾವಣ್ಯ (33) ಮತ್ತು ಆಕೆಯ ಮಗ ನಿಶಾಂತ್(7) ಕೋಮಾ ಸ್ಥಿತಿಗೆ ಜಾರಿ ನಂತರ ಮೃತಪಟ್ಟಿರುವ ಘಟನೆ ಆಂಧ್ರಪ್ರದೇಶದ ರಾಜಮಂಡ್ರಿಯಲ್ಲಿ ನಡೆದಿದೆ.

ಲಾವಣ್ಯ ತೆಲಂಗಾಣದ ವೈದ್ಯರೊಬ್ಬರನ್ನು ಮದುವೆಯಾಗಿದ್ದರು. ಇತ್ತೀಚೆಗೆ ದಂಪತಿ ನಡುವೆ ವಿವಾದ ನಡೆದಿತ್ತು. ಹಾಗಾಗಿ ಮಗನನ್ನು ಕರೆದುಕೊಂಡು ರಾಜಮಂಡ್ರಿಯಲ್ಲಿರುವ ಆಕೆ ತಂದೆ ಡಾ. ಬುದ್ಧರೊಂದಿಗೆ ವಾಸವಾಗಿದ್ದಳು.

ಘಟನೆ ಸಂಬಂಧಸಿದಂತೆ ತನಿಖೆಯಲ್ಲಿ ಇತ್ತೀಚೆಗಷ್ಟೇ ಆಕೆಗೆ ಪತಿ ಡಿವೋರ್ಸ್ ನೋಟಿಸ್ ಕಳುಹಿಸಿದ್ದಾನೆ. ಪತಿ-ಪತ್ನಿ ಜಗಳ ವಿಕೋಪಕ್ಕೆ ತಿರುಗಿ ಕೋರ್ಟ್ ಮಟ್ಟಿಲೇರಿದೆ. ಹಾಗಾಗಿ ಈ ವಿಚಾರದಿಂದಾಗಿ ನೊಂದು ತನ್ನ ಮಗನೊಂದಿಗೆ ಆಕೆ ಪ್ರಾಣ ಬಿಟ್ಟಿರಬಹದು ಎಂದು ಪೋಲಿಸ್ ಮೂಲಗಳು ತಿಳಿಸಿದೆ. ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ಸಾವಿನ ಕುರಿತು ಹೆಚ್ಚಿನ ತನಿಖೆ ನಡೆಸುತ್ತಿದ್ದಾರೆ.