ಒಂದೇ ಬಾರಿಗೆ 9 ಮಕ್ಕಳಿಗೆ ಜನ್ಮ ನೀಡಿದ ಮಹಾತಾಯಿ

ರಬತ್: ಅಪರೂಪದಲ್ಲಿ ಅಪರೂಪ ಎಂಬಂತೆ ಮೊರಕ್ಕೊದಲ್ಲಿ ಮಹಾತಾಯಿಯೊಬ್ಬಳು ಒಂದೇ ಬಾರಿ 9 ಮಂದಿ ಮಕ್ಕಳಿಗೆ ಜನ್ಮ ನೀಡಿದ್ದಾಳೆ.

ಪಶ್ಚಿಮ ಆಫ್ರಿಕಾ ಖಂಡದಲ್ಲಿರುವ ಮಾಲಿ ದೇಶದ ಮಹಿಳೆ ಮಂಗಳವಾರ  5 ಹೆಣ್ಣು, 4 ಗಂಡು ಮಕ್ಕಳನ್ನು ಹೆತ್ತಿದ್ದಾಳೆ. ಆಸ್ಪತ್ರೆಗೆ ದಾಖಲಾದ ಬಳಿಕ 7 ಮಂದಿ ಮಕ್ಕಳು ಜನಿಸಬಹುದು ಎಂಬ ನಿರೀಕ್ಷೆ ಇತ್ತು. ಆದರೆ ಈ ನೀರಿಕ್ಷೆಗೂ ಮೀರಿ 9 ಮಂದಿ ಜನಿಸುವ ಮೂಲಕ ಎಲ್ಲರಿಗೂ ಅಚ್ಚರಿ ಮೂಡಿಸಿದ್ದಾಳೆ.

ತಾಯಿ ಮತ್ತು ಮಕ್ಕಳು ಆರೋಗ್ಯವಾಗಿದ್ದಾರೆ ಎಂದು ಮೊರೊಕ್ಕೊ ಆರೋಗ್ಯ ಸಚಿವಾಲಯ ತಿಳಿಸಿದೆ. ಆರೋಗ್ಯ ಸಚಿವಾಲಯ ವಕ್ತಾರರು ಪ್ರತಿಕ್ರಿಯಿಸಿ, ದೇಶದಲ್ಲಿ ಇದು ಬಹಳ ಅಪರೂಪ. ಈ ರೀತಿ 9 ಮಕ್ಕಳಿಗೆ ಒಂದೇ ಬಾರಿ ಜನ್ಮ ನೀಡಿದ್ದು ಇದೇ ಮೊದಲು ಎಂದು ತಿಳಿಸಿದ್ದಾರೆ.

ಗರ್ಭಿಣಿಯಾದಾಗ ಆಲ್ಟ್ರಾ ಸೌಂಡ್ ಪರೀಕ್ಷೆ ಮಾಡಿದ್ದು, 7 ಮಂದಿ ಮಕ್ಕಳು ಜನಿಸಬಹುದು ಎಂಬ ನಿರೀಕ್ಷೆ ಇತ್ತು. ಒಂದು ವೇಳೆ ಡೆಲಿವರಿ ಸಮಯದಲ್ಲಿ ಯಾವುದೇ ಸಮಸ್ಯೆ ಆಗಬಾರದು ಎಂಬ ಎಂಬ ಕಾರಣಕ್ಕೆ ಮಹಿಳೆಯನ್ನು ಮೊರಕ್ಕೊ ದೇಶದ ಉತ್ತಮ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ತಜ್ಞ ವೈದ್ಯರು ನೀಡಿದ ಸಲಹೆಯ ಮೇರೆಗೆ ಮಾಲಿ ಸರ್ಕಾರ ಮಹಿಳೆಯನ್ನು ಮಾ.30 ರಂದು ಮೊರಕ್ಕೊ ದೇಶಕ್ಕೆ ಶಿಫ್ಟ್ ಮಾಡಿತ್ತು.

7 ಮಂದಿ ಮಕ್ಕಳು ಜನಿಸುವುದು ಅಪರೂಪ. ಅದರಲ್ಲೂ 9 ಮಂದಿ ಜನಿಸುವುದು ಅಪರೂಪದಲ್ಲಿ ಅಪರೂಪ.

#Mali: Elle accouche de 9 bébés.
Halima CISSE, a accouché, ce 4 mai au Maroc par césarienne, de 9 nouveau-nés au lieu de 7 comme annoncés par l'échographie. Les nouveau-nés (5 filles et 4 garçons) et la maman se portent tous bien, selon un communiqué du ministère de la santé. pic.twitter.com/0dblANouwY

— Abdoulaye Guindo (@abdoulayekn1) May 4, 2021