ಊಟ ಆರ್ಡರ್ ಮಾಡಿದ ಯುವತಿಗೆ ಬಂದಿದ್ದು ಊಟ ತಿಂದೆ ಎನ್ನುವ ಸಂದೇಶ

ಲಂಡನ್: ಹೊಟ್ಟೆ ಹಸಿವು ಎಂದು ಊಟ ಆರ್ಡರ್ ಮಾಡಿದ್ದ ಯುವತಿಗೆ ಸಾರಿ ಲವ್ ನಿನ್ನ ಊಟವನ್ನು ನಾನೆ ತಿಂದು ಬಿಟ್ಟೆ ಎಂದು ಡೆಲಿವರಿ ಬಾಯ್ ಸಂದೇಶ ಕಳುಹಿಸಿರುವ ಘಟನೆ ಲಂಡನ್‍ನಲ್ಲಿ ನಡೆದಿದೆ.

ಇಲಿಯಾಸ್ (21) ಎಂಬ ಯುವತಿ 2 ಬರ್ಗರ್, ಚಿಕನ್ ಹಾಗೂ ಇನ್ನಿತರ ಖಾದ್ಯಗಳನ್ನು ಆರ್ಡರ್ ಮಾಡಿದ್ದಳು. 1,456 ರೂಪಾಯಿ ಹಣವನ್ನು ಪಾವತಿಸಿದ್ದಳು. ಊಟಕ್ಕಾಗಿ ಕಾಯುತ್ತಾ ಕುಳಿತವಳಿಗೆ ಡೆಲವರಿ ಬಾಯ್‍ನಿಂದ ‘ಸಾರಿ ಲವ್, ನಿನ್ನ ಊಟವನ್ನು ನಾನೇ ತಿಂದು ಮುಗಿಸಿದ್ದೇನೆ” ಎನ್ನುವ ಸಂದೇಶ ಬಂದಿದೆ.

Is my ubereats driver okay???????????? pic.twitter.com/sKwnKoMp8M

— ???????????? (@idakher) February 6, 2021

ಈ ವಿಚಿತ್ರವಾದ ಸಂದೇಶವನ್ನು ನೋಡಿದ ಯುವತಿ ಕೋಪಗೊಂಡು ಸಂದೇಶವನ್ನು ಸ್ಕ್ರೀನ್‍ಶಾರ್ಟ್ ತೆಗೆದು ಟ್ವಿಟ್ಟರ್‍ನಲ್ಲಿ ಹಂಚಿಕೊಂಡು ಡೆಲಿವರಿ ಬಾಯ್ ಆರೋಗ್ಯವಾಗಿದ್ದಾನೆ ತಾನೇ..? ಎಂದು ಬರೆದುಕೊಂಡಿದ್ದಾಳೆ.

ಸ್ಲಲ್ಪ ಸಮಯದ ಬಳಿಕ ಆನ್‍ಲೈನ್ ಫುಡ್ ಆರ್ಡರ್ ಆ್ಯಪ್ ನಿಂದ ನಿಮ್ಮ ಊಟ ಸುರಕ್ಷಿತವಾಗಿ ತಲುಪಿಸಲಾಗಿದೆ. ಡೆಲಿವರಿಬಾಯ್‍ಗೆ ಬೇಕಿದ್ದರೆ ಟಿಪ್ಸ್ ಕೊಡಿ ಎನ್ನುವ ಸಂದೇಶ ಬಂದಿದೆ ಇದನ್ನು ನೋಡಿದ ಯುವತಿಗೆ ನಗು ಒಟ್ಟಿಗೆ ಕೋಪವು ಬಂದಿದೆ. ನಂತರ ಯುವತಿಗೆ ಉಚಿತವಾಗಿ ಆಕೆ ಆರ್ಡರ್ ಮಾಡಿರುವ ಖಾದ್ಯಗಳು ಮನೆಬಾಗಿಲಿಗೆ ಬಂದು ತಲುಪಿವೆ.