ಅಧ್ಭುತ ಕಲ್ಪನೆಯ ಲೋಕದಲ್ಲಿ ಫ್ಯಾಂಟಮ್ ಕೊನೆ ಭಾಗದ ಚಿತ್ರೀಕರಣ

ಬೆಂಗಳೂರು: ಅನ್‍ಲಾಕ್ ಬಳಿಕ ಸ್ಯಾಂಡಲ್‍ವುಡ್ ನಲ್ಲಿ ಸದ್ದು ಮಾಡುತ್ತಿರುವ ಫ್ಯಾಂಟಮ್ ಚಿತ್ರೀಕರಣ ಕೊನೆಯ ಹಂತದಲ್ಲಿದೆ. ಈ ಕುರಿತು ಫ್ಯಾಂಟಮ್ ಲೋಕದ ವಿಕ್ರಾಂತ ರೋಣ ಮಾಹಿತಿ ನೀಡಿದ್ದಾರೆ. ಟ್ವಿಟ್ಟರ್ ನಲ್ಲಿ ಕುರ್ಚಿ ಹಾಕಿಕೊಂಡು ಕುಳಿತ ಫೋಟೋ ಹಂಚಿಕೊಂಡಿರುವ ಸುದೀಪ್ ಸಿನಿಮಾದ ಅಪ್‍ಡೇಟ್ ನೀಡಿದ್ದಾರೆ.

ಫ್ಯಾಂಟಮ್ ಚಿತ್ರದ ಕೊನೆಯ ಭಾಗದ ಚಿತ್ರೀಕರಣ ನಡೆಯುತ್ತಿದೆ. ಚಾಲೆಂಜಿಂಗ್ ಎಪಿಸೋಡ್ ಮತ್ತು ದೃಶ್ಯವಾಳಿಗಳ ಕಲ್ಪನೆ ಸಹ ಮತ್ತೊಂದು ದೊಡ್ಡ ಟಾಸ್ಕ್, ಹೈದಾರಾಬಾದ್ ನಲ್ಲಿ ಕೊನೆಯ ಶೆಡ್ಯೂಲ್ ಇದಾಗಿದೆ ಎಂದು ಸುದೀಪ್ ಬರೆದುಕೊಂಡಿದ್ದಾರೆ.

The final part of #Phantom rolling.
A very challenging episode,,,, and conceiving it the way we visualized is all together another task.
The last schedule at hyd.#TheWorldOfPhantom #VikranthRona
🥂🤗 pic.twitter.com/kLpkJ4nlbD

— Kichcha Sudeepa (@KicchaSudeep) November 12, 2020

ಕೊರೊನಾದಿಂದ ಸ್ಥಗಿತವಾಗಿದ್ದ ಫ್ಯಾಂಟಮ್ ಚಿತ್ರೀಕರಣ ಅನ್‍ಲಾಕ್ ಬಳಿಕ ಆರಂಭಗೊಂಡಿತ್ತು. ಕೊರೊನಾ ಆತಂಕದ ನಡುವೆಯೂ ಸರ್ಕಾರದ ಮಾರ್ಗಸೂಚಿಗಳನ್ನು ಪಾಲಿಸಿದ ಚಿತ್ರತಂಡ ಶೂಟಿಂಗ್ ಮುಗಿಸಿದೆ. ಸುದೀಪ್ ಮತ್ತು ನಟಿ ಅಪರ್ಣಾ ಬಲ್ಲಾಳ್ ಹುಟ್ಟುಹಬ್ಬದಂದು ಚಿತ್ರದಲ್ಲಿಯ ಇಬ್ಬರ ಲುಕ್ ರಿವೀಲ್ ಮಾಡಿತ್ತು. ಹಾಗೆಯೇ ದಟ್ಟ ಕಾನನದ ನಡುವೆ ಸುದೀಪ್ ದೋಣಿಯಲ್ಲಿ ಹೊರಟ ಧಗಿಧಗಿಸುವ ನೋಟ ಸ್ಯಾಂಡಲ್‍ವುಡ್ ಅಂಗಳದಲ್ಲಿ ಸಂಚಲನ ಸೃಷ್ಟಿಸಿತ್ತು.