ಅತ್ತಿಗೆ ಜೊತೆ ಮೈದುನನ ಕಳ್ಳ ಸಂಬಂಧ- ಒಂದೇ ಸೀರೆಯಲ್ಲಿ ನೇಣು ಬಿಗಿದುಕೊಂಡು ಸೂಸೈಡ್

– ಅಮ್ಮನಿಲ್ಲದೇ ಅನಾಥವಾಯ್ತು ಮೂರು ತಿಂಗಳ ಹಸುಗೂಸು
– ಮೈದುನನ ಮದ್ವೆ ಫಿಕ್ಸ್ ಆಗಿದ್ದಕ್ಕೆ ಇಬ್ರೂ ಸೂಸೈಡ್

ಲಕ್ನೋ: ಅತ್ತಿಗೆ ಮತ್ತು ಮೈದುನ ಒಂದೇ ಸೀರೆಯಲ್ಲಿ ನೇಣು ಬಿಗಿದುಕೊಂಡು ಆತ್ಮಹತ್ಯೆಗೆ ಶರಣಾಗಿರುವ ಘಟನೆ ಉತ್ತರ ಪ್ರದೇಶದ ಫತೇಪುರ ಜಿಲ್ಲೆಯ ಗಾಜೀಪುರ ಪೊಲೀಸ್ ಠಾಣಾ ವ್ಯಾಪ್ತಿಯ ಬ್ರಾಹ್ಮಣತಾರಾ ಗ್ರಾಮದಲ್ಲಿ ನಡೆದಿದೆ. ಇಂದು ಬೆಳಗ್ಗೆ ಕೋಣೆಯ ಬಾಗಿಲು ತೆಗೆದಾದ ಇಬ್ಬರ ಶವ ನೇತಾಡುತ್ತಿತ್ತು.

ಸುನಿತಾ (28) ಮತ್ತು ರಾಮ್ ಮಿಲನ್ (22) ಆತ್ಮಹತ್ಯೆಗೆ ಶರಣಾದ ಅತ್ತಿಗೆ ಮೈದುನ. ಸುನಿತಾ ಮತ್ತು ರಾಮ್ ಮಿಲನ್ ಇಬ್ಬರೂ ಅನೈತಿಕ ಸಂಬಂಧ ಹೊಂದಿದ್ದರು. ಈ ವಿಷಯ ತಿಳಿದು ಕುಟುಂಬಸ್ಥರು ರಾಮ್ ಮದುವೆಯನ್ನ ನಿಶ್ಚಯಿಸಿ ಮೇ 7, 2021ರಂದು ದಿನಾಂಕ ಸಹ ನಿಗದಿ ಮಾಡಿದ್ದರು. ಮದುವೆ ತಮ್ಮ ಅನೈತಿಕ ಸಂಬಂಧ ಅಡ್ಡಿಯಾಗಲಿದೆ ಎಂದು ತಿಳಿದು ಇಬ್ಬರೂ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಇತ್ತ ಮೂರು ತಿಂಗಳ ಮತ್ತು ಮೂರು ವರ್ಷದ ಮಕ್ಕಳು ಅಮ್ಮನಿಲ್ಲದೇ ಅನಾಥವಾಗಿದ್ದು, ಕುಟುಂಬಸ್ಥರು ಕಣ್ಣೀರು ಹಾಕುತ್ತಿದ್ದಾರೆ.

ನನ್ನ ಪತ್ನಿ ಮತ್ತು ತಮ್ಮನ ಬಹಳ ದಿನಗಳಿಂದ ಅಕ್ರಮ ಸಂಬಂಧ ಹೊಂದಿದ್ದರು. ಮೂರು ವರ್ಷದ ಮಗ ಮತ್ತು ಮೂರು ವರ್ಷದ ಮಗಳು ಇದ್ದರೂ ಪತ್ನಿ ಅನೈತಿಕ ಸಂಬಂಧದಲ್ಲಿದ್ದಳು ಎಂದು ಸುನಿತಾ ಪತಿ ಹರಿಓಂ ಹೇಳಿದ್ದಾರೆ.ಸ್ಥಳಕ್ಕೆ ಪೊಲೀಸರು ಆಗಮಿಸಿ ಮೃತದೇಹಗಳನ್ನ ಆಸ್ಪತ್ರೆಗೆ ರವಾನಿಸಿ ಹೇಳಿಕೆಯನ್ನ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.